Президент Садыр Жапаров Кыргызстандын, Өзбекстандын жана Тажикстандын чек аралары кездешкен чекит тууралуу келишимди ратификациялоо тууралуу мыйзамга кол койду. Бул документти Жогорку Кеңеш 25-июнда кабыл алган.
"Бул мыйзамдын максаты Кыргызстандын "Эл аралык келишимдер жөнүндө" жана "Жогорку Кеңештин регламенти жөнүндөгү" мыйзамдарына ылайык ички мамлекеттик жол-жоболорду аткаруу болуп саналат. Ушул мыйзам менен 2025-жылдын 31-мартында Кожент шаарында кол коюлган үч мамлекеттин чек араларынын кесилишүү чекити жөнүндөгү келишимди ратификациялоо сунушталат",-деп жазылган маалыматта.
Үч өлкөнүн президенттири бул келишимге 31-мартта Тажикстандын Кожент шаарында кол коюшкан. Чек аралар кесилишкен чекитте символикалык стела орнотулган.
Дагы караңыз
Шерине